Convocáu'l premiu Proyeutu Curtiu Canal+ -Festival Internacional de Cine de Xixón
Por primer vegada’l Festival Internacional de Cine de Xixón collabora nel premiu Proyeutu Curtiu Canal+. Esta iniciativa quier sofitar la producción de curtiumetraxes, facilitando a los ganadores del premiu, que tien un valir de 9000 euros, la fechura d’un curtiumetraxe en formatu 35 m.
El Proyeutu Curtiu Canal + lleva dende 1997 faciendo un apueste pol formatu curtiumetraxe, sofitando dende entós 104 curtios. Esta iniciativa amuesa a les clares que munchos xóvenes direutores que ficieron los sos proyeutos con esti sofitu, convirtiéronse en figures que rescamplen dientro del nuevu cine español: Achero Mañas (El Bola), Mateo Gil (Nadie conoce a nadie), Nacho Vigalondo (Los Cronocrímenes) y David Planell (La vergüenza), ente otros.
L’ésitu d’esta convocatoria a la qu’agora amiéstase’l FICXixón respuende a les cifres: casi 500 gallardones algamaos polos curtiumetraxes del proyeutu. Asina ye que’l 90% de los trabayos tuvieron na mayoría de los festivales nacionales, ente ellos, nel certame xixonés (un exemplu: 7:35 de la mañana, de Nacho Vigalongo trunfó na Seición Oficial de Xixón y esi premiu foi la llave pa la so nominación a los Oscar). Dalgunos fueron nominaos a los Premios Goya (dos d’ellos tuvieron el gallardón) y munchos d’ellos ficieron un gran percorríu polos certámenes más afamaos del panorama internacional, como’l Festival de Cannes, Locarno, Clermont-Ferrrand o Sao Paulo.
Por otru lláu, el 47 FICXixón y RTAPA ta acabandte convocar el XI Premiu de Curtiumetraxes “Día d’Asturies”, ún de los gallardones que yá ye ún de los clásicos del certame, que quier espolletar la carrera de nuevos direutores asturianos.
Esta seición recueye la collecha de curtiumetraxes fechos n’Asturies durante l’añu y son presentaos por primer vegada. Dixébrase en dos seiciones, una Amuesa non Competitiva y una Seición a Competición, que col sofitu de la RTPA tien un premiu en metálicu de 4.000 euros.
El “Día d’Asturies” fizo la estrena hasta agora de 223 títulos de producción asturiana. La presencia d’estos trabayos nel festival foi medrando na última década, pasando de la decena de títulos presentaos en 1999 hasta los 23 de la edición pasada. Ramón Lluis Bande inauguró’l llistáu de premiaos con Malu, continuó Sergio G. Sánchez (guionista de El Orfanato) que col curtiu 7337, dempués de trunfar en Xixón, convirtióse n’ún de los curtios de sellu asturianu más premiaos de los caberos años. Dende entós algamaron el galardón, ente otros realizadores, los Hermanos Rico, Xuan Acosta, Iñaki Ibisate y Santos Hevia, vencedor de la 46 edición.
Descarga les bases aquí
NOTICIES
50 noticias encontradas. Mostrando de la 1 a la 3.
1 2 3 4 5 6 7 8 9 10 11 12 13 14 15 16 17
48 EDICIÓN - CONVOCATORIA
03/07/2010
Festival Internacional de Cine de Xixón: 19 a 27 payares, 2010
Les convocatories pa presentar películes a seleición pa les distintes seiciones competitives yá tán disponibles
50 noticias encontradas. Mostrando de la 1 a la 3.
organizan:
patrocinan:
colaboran:
_ Festival Internacional de Cine de Gijón _ Cabrales, 82. P.O.Box 76, 33201 - Gijón, Spain
_ Tel. (34) 985 18 29 40 _ Fax (34) 985 18 29 44
_ E-mail: info@gijonfilmfestival.com
_Diseño y Desarrollo: mongrafic