Festival Internacional de Cine de Gijón

To Shoot an Elephant

A partir de xineru del añu 2006, el gobiernu d’Israel, que vien ocupando’l país dende les caberes 4 décades, impunxo l’estáu de sitiu a un millón y mediu de persones de la fastera de Gaza. Esti estáu d’esceición fízo que quedaren ensin les necesidaes humanes más básiques.Tres una tregua de seis meses ente Hamas ya Israel, qu’acabó’l 20 d’avientu de 2008, el gobiernu israelí prohibió l’accesu a Gaza de les más de les organizaciones a favor de los drechos humanos y, tamién de los medios de comunicación. Poro, un garapiellu d’observadores internacionales fizo por colase na zona. La película recueye una parte d’aquello que vieron y de lo fueron testigos ente’l 25 d’avientu de 2008 y el 16 de xineru de 2009.

Alberto Arce, Mohammad Rujailah

Alberto Arce naz en Xixón en 1976. Comprometíu cola causa palestina, collaboró con dellos medios de comunicación independientes (Diagonal, El viejo topo, Directa), y tamién con centros d’investigación como l’IECAH. Ye responsable de los documentales Nablus, la ciudá pantasma (2004) ya Internacionales en Palestina (codirixíu por María Moreno nel 2005), entrambos presentaos en festivales de tol mundiu. Nel 2007 rueda pa Tv3 Al mesalla, pacifistes n’Iraq y esi memsu añu gana’l Premiu Joan Gomis de Periodismu Solidariu pol artículu Iraq, el cuartu escuru. Nel 2009 presenta con Mohammad Rujailah To Shoot an Elephant, que ta grabáu en Gaza y seleccionáu pa Milán, Estocolmu y Amsterdam, consideráu’l festival de cine independiente con más renome del mundiu.Mohammad RujailahParticipa nel Movimientu de Solidaridá Internacional y na Organización pa la Llibertá de Palestina. Trabayó de traductor freelance y cooperó col campamentu de refuxaos de Khan Younis, na fastera de Gaza, onde vive anguaño. A finales del 2008 y empecipiando’l 2009 faise voluntariu médicu internacional y movilizáse escontra la ofensiva israelí nel territoriu palestín demientres collabora con Alberto Arce faciendo’l documental To Shoot An Elephant.