Festival Internacional de Cine de Gijón Información útil

Secciones

ESTAYA OFICIAL

Tanto nel apartáu de llargumetraxes como nel de curtiumetraxes, los títulos incluyíos na competición del Festival Internacional de Cine de Xixón son, ensin dulda, un apueste seguru pal espeutador con intereses cinematográficos que van más lloñe de lo convencional. A esto hai que sumar la categoría de Non Ficción y Documental, amestada na 45º Edición, celebrada en 2007.  

ENFANTS TERRIBLES
El meyor cine infantil y xuvenil d’anguaño. Dende les comedies d’animación hasta los enguedeyos sociales representaos n’adolescentes, les películes d’Enfants siempre tienen una moralina. Dividíes en dos ciclos acordies coles edaes del xuráu (de 6 a 12 años, y mayores de 13 años), nesta 46º Edición del Festival van presentase al rodiu d’una docena de títulos a competición.

ESBILLA
Ye una de les estayes que meyor acoyida tien ente’l públicu del Festival; nesti apartáu  recuéyese una escoyeta de títulos fecha con procuru que por delles causes nun tienen l’estándar de la Seición Oficial, pero que tienen de tar nel certame de Xixón.

LLENDES
Apuestes arriesgaos, visiones al límite, películes que tán fuera de lo ortodoxo. Perpasando’l cine, los títulos incluyíos en Llendes formen una nueva esperiencia dientro del ámbitu audiovisual. La realizadora Eve Heller va ser protagonista esti añu con una escoyeta de los sos curtiumetraxes.

UNIVERSO MEDIA
Esta estaya entamó en 1998 col envís de reflexonar sobre aspeutos venceyaos a la  filosofía y el cine, dando una perspeutiva anovadora a temes como los tabúes o la situación del cine ante la cultura visual. En 2008, L’Ensayu Dixital supón un puntu d’inflexón que sirvirá pa que les bases teóriques yá ufiertaes n’otres ediciones den pasu a la práutica.

RETROSPEUTIVES Y CICLOS
Claire Denis, Larry Clark, Abbas Kiarostami, Todd Solondz... Los directores más representativos del espíritu del Festival tienen equí un sitiu propiu. Pasáu y presente cinematográficu xúntense nestos homenaxes retrospeutivos, nos que se proyeutarán les filmografíes completes d’autores del altor de Tscherkassky, Hadjithomas y Joreige o Lucrecia Martel. Amás, los ciclos dedicaos al cine fecho por realizadores europees (“Un cachín del cielu”) y el documental políticu estadounidense (“La utopía yanqui”), darán una visión conxunta sobre les rellaciones humanes, con una güeyada que se separta dafechu de lo convencional.

NUN NOS CUENTES PELÍCULES... ¡FÁILES!
Esta estaya tien l’enfotu d’espolletar la capacidá d’iniciativa, la creatividá, el trabayu en comuña y l’espíritu emprendedor ente la mocedá asturiano. Siguiendo les normes de la Xunión Europa, escoyóse’l cine como representante d’una industria creativa na que la mocedá pue pasar de ser consumidor a profesional d’esta estaya.

NUECHE DEL CURTIU ESPAÑOL
Quiciabes ún de los momentos más esperaos ente’l públicu de Gijón/Xixón. La motivación de los qu’empiecen, o’l talentu de los que decidieron facer del curtiumetraxe’l so principal mou d’espresión, afítase nesta esbilla de los caberos trabayos fechos n’España.

DÍA D'ASTURIES
Fecho n’Asturies. El compromisu del Festival coles producciones y colos realizadores vese nesta estaya, na que s’inclúin aquellos curtiumetraxes roblaos por cineastes del Principáu.

• _ESPAÑOL
• _ENGLISH
• _ASTURIANU

• Historia
• 
• Ediciones anteriores
• 
• Organización y patrocinadores
• 
• Identidá Gráfica
• 
• Publicaciones
• 
• Seiciones
•